Debate të sfumuara, pa lindur ende, kanë shoqëruar përgjatë këtyre muajve procesin e projektimit dhe vendimmarrjes së ndërtimit të Xhamisë së Re pranë sheshit të njohur si Sheshi i Namazgjasë. Them të projektimit dhe vendimmarrjes njëkohësisht sepse të dy procedurat e sipërpëmendura janë mbivendosur dhe madje kanë rendin e kundërt në kohë.
Sa jemi në gjendje t’i bëjmë ballë një krize si ajo që ka pllakosur Greqinë? Çfarë do të shkaktonte një tjetër vit zero për Shqipërinë, le të themi një ’97 e dytë, jo e njëjtë në çdo detaj, po për shembull pa hapje deposh e rrëmbim armësh?! I shtroj këto pyetje sepse ne shqiptarët jemi popull me vitalitet të spikatur dhe i kemi bërë ballë situatave më të paimagjinueshme, e po mendoja: “ku i dihet, ne mund t’i bëjmë ballë çdo sfide. Edhe bar kemi ngrënë...”.
Gjithçka! Punëtorëve u mungon puna. Papunësia nuk mund të maskohet dot as nga shifrat zyrtare që na servir qeveria. Kur mashtrimi nuk maskon dot të vërtetën, duhet të çjerrim maskën e hipokrizisë së rritjes me të madhe ekonomike në rajon. Punëtorëve u mungon puna sepse politika e konceptuar vitet e të ashtuquajturës demokraci, sidomos këto 8 të fundit, u bazua fortësisht në një liberalizim pafre, shitje të gjithçkaje, kujtdo të paskrupullti që shfaqej në zyrat e kryeministrisë dhe kërkonte leje për shfrytëzimin e ndonjë burimi natyror, por duke pasur bindjen se atë nuk do e shfrytëzonte, por do t’ia shiste dikujt tjetër që do të shfaqej nga hiçi. Dhe shteti ka asistuar fajtor në këto pazare që janë bërë me pasurinë e vetë punëtorëve dhe të popullit.
Nëpër blogje, artikuj gazetash, opinione që qarkullojnë në tërësinë e mediave, rezultoi ajo së cilës i druheshim shumë dhe që, pavarësisht retorikave elektorale, nuk fshihej dot: ne nuk dimë çfarë është e majtë dhe çfarë është e djathtë, cilat janë vlerat e njërës dhe bindjet e të dytës, arsyet e të parës dhe diktatit të të dytës.
Ose anasjelltas. Nuk dimë si të përcaktojmë figurat historike, kontributet e tyre dhe fajet historike, nuk dimë ku t’i rreshtojmë, çfarë qëndrimi të mbajmë dhe të pranojmë me objektivitet prurjet e tyre. Me objektivitet, por jo me verbëri, pasi kërkimi për të qënë objektiv nuk duhet të jetë qëllimi në vetvete i analizës që duhet të bëjmë ndaj figurave historike dhe ngjarjeve historike. Objektiviteti është mjeti që duhet të na ndihmojë për të përthithur mesazhin që ata kanë dashur ose indirekt kanë transmetuar.
E bëri Lubonja një vepër arti dhe mirë bëri. E bëri me ndjenjë, e ngjyrosi me frymëzim dhe e ngurtësoi me patos. I dha edhe zë. Zërin e tij, atë të vuajtjeve nëpër burgjet e diktaturës. E vuri Lubonja aty ku duhej vënë, mu në hyrje të bllokut. Atij blloku që nuk mund të shkelej nga kushdo. E vendosi në ballë të lagjes VIP, ku mund të shkelnin vetëm të privilegjuarit, VIP-at e regjimit.
Ne nuk e dimë dhe nuk duam ta dimë nëse Lubonja ishte ndër ata që e kishin shëtitur asfaltin e Bllokut edhe para ’90-ës. Ne dimë vetëm që të burgosurit e atij regjimi ishin shpesh të privilegjuar që e humbnin këtë status, le të themi, për mungesë fati.
Page 1 of 48
Nga fjalimi i Berishës në Këshillin e Evropës
"Kriza e sotme në Evropë është e ngjashme me krizën financiare që Shqipëria ka pasur vite më përpara për shkak të krizës piramidale dhe këto janë vende që kanë ligje shumë të mira, kanë ligjet më të mira të mundshme për të vëzhguar tregjet bankare dhe jobankare financiare. Por pyetja që mund të shtrohet është: Pse ndodhi kjo krizë? Kjo krizë ndodhi sepse elitat bankare financiare kanë cenuar, kanë minuar ligjet dhe kanë vënë në heshtje bordet, në mënyrë që të mund të përfitonin dhe të mund të mbronin interesat e tyre ambicioze. Edhe në këtë fazë të funksionimit të shtetit të së drejtës, bota gjendet përballë kësaj krize financiare, e cila është e ngjashme me krizën e skemave piramidale në Shqipëri,” tha Berisha.
Ju siguroj ju - 8 tetor 2012
Berisha ju drejtohet fëmijëve të një shkolle 9 vjeçare gjatë inaugurimit të saj: - "Ndaj ju bëj thirrje fëmijëve të Shqipërisë kudo që janë, të bisedojnë me prindërit e tyre, zgjedhjet po vijnë. Me votën e tyre kësaj rradhe, ata le të votojnë jo vetëm për veten, por edhe për ju djem edhe vajza të dashur, për mësuesit e Shqipërisë, për ëndrën tuaj europiane, në mënyrë që ne të ecim të sigurtë drejt të ardhmes së shkëlqyr që meritojmë"... Berisha më 27 shtator 2012
“Dhjetori i vitit 1924 ishte një dhjetor i zi për shqiptarët dhe Shqipërinë. Rrëzimi i qeverisë Noli nga Ahmet Zogu me mbështetjen e Serbisë përbën njërën prej ngjarjeve me tragjike të historisë sonë kombëtare. Shqipëria e idealeve të mëdha demokratike për 68 vjet me radhë njohu vetëm pushtime dhe mynxyra, tiranira, diktatura nga me të egrat e më çnjerëzore… Ndaj dhe ngricat e mëdha të dhjetorit të ’24 ngrinë ëndrrën e madhe të demokracisë shqiptare…”
“Revolucioni i Qershorit u realizua nga një lëvizje popullore e drejtuar nga atdhetarë të flaktë, jashtë çdo aleance të dyshimtë apo marrëveshje komprometuese që kishin nënshkruar dhe do të nënshkruanin me Beogradin sundimtarët e mëvonshëm shqiptarë për të siguruar dhe ruajtur fronin e tyre”. Ju siguroj ju - Saliu, dhjetor 1994
(shënim: me rastin e 100 vjetorit të pavarësisë, Berisha mendoi të udhës ngritjen e një monumenti gjigand të mbretit Zog, bashkëpunëtorit të Serbisë sipas vetë Berishës, mu në krye të bulevardit i cili mban të njëjtin emër)
“Ekziston një lidhje e ndërsjellë mes tregjeve dhe demokracisë. Unë jam mjek në profesion dhe si rezultat do të doja të ilustroja këtë situatë me lidhjen mes koshiencës dhe subkoshiencës, një lidhje shumë e rëndësishme për qeniet njerëzore. Vetë demokracia është shumë e rëndësishme, është jetike do thosha, por nëse do shohim veprimet e saj, sigurisht që ajo mund të sjellë ca prishje të tregut. Le t’i hedhim një sy Europës sot. Jemi këtu në një nga rajonet më të begata, por 11% e njerëzve të botës po konsumojnë 50% të faturës sociale të botës, ndërsa po prodhojnë 70% të PBB. A është i mbingarkuar tregu në këtë rast? Duket se po." Ju siguroj ju - Saliu më 8 tetor 2012
Kryeministri Berisha në këtë 100 vjetor ka kërkuar kthimin e Himnit Kombëtar në formën e tij të plotë, pikërisht strofa ku shqiptarët apelojnë Zotin, pasi në vlerësimin e Berishës Zoti dhe kombi janë një dhe të pandarë.
“Apeli i shqiptarëve tek Zoti është apeli më i drejtë se Zoti dhe kombi janë një dhe të pandarë. Dashuria për kombin buron nga fryma e zotit, ndaj duhet të shihen modalitetet se si të kthehet kjo strofë. Himni duhet të kthehet në variantin e tij të plotë, siç e shkroi Aleksandër Sotir Drenova”, deklaroi Kryeministri Berisha
Ju siguroj ju - Saliu, nëntor 2012
(shënim: Strofa në fjalë nuk ka nevojë të shtohet pasi është aktualisht pjesë e himnit por me sa duket Kryeministri nuk i referohet strofës së shkruar nga Aleksandër Stavre Drenova por asaj të një të panjohuri që quhet Aleksandër dhe është biri i Sotir Drenovës)
